کیچ: نوانو زامران ءَ لیویز چہ گاڑی ڈرائیوراں زر گرگ ءُ لٹ شاپ کنگ ءَ اِنت، لیویز ءِ زوراکیانی بگیری ءَ مردماں زھرشانی کرتگ۔
زھرشانی کنوکیں مردماں گوشتگ کہ درآمدیں مردمے لیویز ءِ نام ءَ چہ گاڑی ڈرائیوراں پہ زور زرگرگ ءَ اِنت اگاں کسے آئی ءَ زر مہ دنت گڑا ڈرائیوراں لٹ شاپ کنت۔
آیانی گوشگ اِنت کہ گوستگیں روچ ءَ لیویز ءَ چہ یک گاڑی یے ءَ پہ بیست لیٹر پٹرول گپتگ ءُ یک ھوٹلے ءِ کُڈک ھم مانداشتگ اَنت۔ ما گوں کمک دمگدار ءَ ھمے لوٹ ءَ کن ایں کہ لیویز ءِ زوراکیانی بارو ءَ دلگوش ءَ گور بہ کنت۔
