بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے مجید برگیڈ ءَ آپریشن زرپھازگ ءِ پنچمی بھر دوشی دہ ءَ زورگریں لشکر ءِ نیول ایئر بیس پی این ایس سدیک ءَ ارش کرتگ ءُ دانکہ بانگواہ ءَ دژمن ءِ گون ءَ مڑ اتگ اَنت ءُ سی ءَ گیش لشکری کارمند کشتگ ءُ وتی آپریشن ءِ مول ءَ سوبین بوتگ۔ آپریشن ءِ گڈی آسر ءَ سر کنگ ءَ چار پدائیاں داں گڈی تیر ءِ پلسپہ ءِ سر ءَ کار کرتگ ءُگوں وتی گڈی تیر ءَ شھید بوتگ اَنت۔ اے آپریشن ءِمول سی پیک شوربندی ءِ پارست ءَ بلوچ ءِ دریا ءِ دستیگ کنگ ءُ مڈیانی چہ لٹ ءُ پل ءَ دارگ ءُ بلوچ چکچینی ءِبیر اِنت۔
جارکش ءَ گوشتگ کہ پہ مجید برگیڈ ءِ آپریشن زرپھازگ ءِ پنچمی بھر ءِ آسر کنگ ءَ مجید برگیڈ ءِ چار نہ ترسیں پدائی آپریشن کماندار ایوب پنام دودا، ھلیپ پنام اسلم، وجداد پنام نودان ءُ مراد ھاسل پنام پرھاد ءَ تربت ءَ پہ پھازداری ءَ دژمنیں لشکر ءِ نیول ایئربیس پی این ایس سدیکءِ مھکمیں پھازداری جاہ پروشتگ ءُ تہ ءَ پترگ ءَ سوبین بوتگ اَنت ءُ سنگر گپتگ۔ پترگ ءِ ھواری ءَ پدائیاں دژمنیں لشکر ءِ یک بکتربند گاڑی یے ءُ دو ڈرون جتگ ءُ تباہ کرتگ۔ بلوچ پدائیانی گون ءَ گڈی ھال داں ھشت ادار ءَبوتگ کہ دژمن ءَ تاوان دیگ ءَ بوتگ اَنت ءُ اے میان ءَ سی ءَ گیش دژمنیں لشکر ءِ کارمندانی کشگ ءَ سوبین بوتگ اَنت۔ تیرانی ھلاسی ءَ چاریں پدائیاں وتی گڈی تیر ءَ گوں وتی دستاں شھیدی ءِ گرانبھائیں نام کٹ اتگ۔
آئی ءَ گوشتگ کہ بی ایل اے ءَ اےآپریشن ءَ بلوچ راجی آجوئی سنگر ( براس ) ءِ شریں وڑے ءَ کمک گوں بوتگ۔ بلوچی راجی ھمسنت ءِ چیدگ براس ءَاے آپریشن ءِ سوبین کنگ ءَ جوانیں کردے پیلو کرتگ۔
جارکش ءَ گوشتگ کہ آپریشن زرپھازگ ءِ کماندار شھید پدائی سنگت ایوب ازیم پنام دودا ء مھمد ازیم بلیدہ ءِ ھند کورپشت ءِ جاہ منند اِنت۔ آ وتی ورنائی ءَ بی ایس او ءِ یک پرکاریں کارکنےبوتگ ءُ پہ آجوئی ءِ جنگ ءَ بے سلاھیں جھد کنگ ءَ بوتگ۔ آ سال 2017 ءَ دژمنیں لشکر ءِ زوریں بیگواھی ءِ نشانگ بوتگ ءُ آئی داں دو سال ءَ گیش دژمن ءِ آزار سگ اتگ اَنت ۔ دژمن ءِ زندان ءِ تہ ءَ آئی لیکہ ءُ زورگر ءِ بگیری ءَکینگ گیش مھکم بوتگ۔ آ چہ دژمن ءِ زندان ءَ آجو بوگ ءَ پد 2019 ءَ بلوچ راجی ایردستی ءِ بگیری ءَ سلاہ بندیں جھد ءَ ھوار بوتگ۔ آئی 2020 ءَ مجید برگیڈ ءَ ھوار بوگءِ وتی واھشت پیش کرتگ ءُ چیرجنگیانی رپکاں شیواریں ھمبلے اَت۔
آئی ءَ گوشتگ کہ شھید پدائی سنگت ھلیپ پنام اسلم ء کادر بکش جاہ منند جاؤ، آواران 2019 ءَ بی ایل اے مجید برگیڈ ءَ بھر زورگ ءَ وتی واھشت پیش کرتگ ، آ چہ 2018 ءَ بلوچ راجی آجوئی ءَ سلاہ بندیں جھد ءَ ھوار بوتگ۔ شھید پدائی ھلیپ بلوچی زبان ءِ یک شائرے بوتگ ءُ آجوئی زرمبشت ءِ یک مھکمیں کارکنے۔
جارکش ءَ گوشتگ کہ شھید پدائی سنگت وجداد پنام نودانء ساھبداد بلیدہ ءِ ھند کور ءِ پشت ءِ جاہ منند اِنت۔ شھید پدائی وجداد 2011 ءَ بی ایس او ءِ راھبند ءِ سر ءَ بلوچ راجی آجوئی ءِ بارو ءَ گوں ورنایاں پرکار بوتگءُ پہ آجوئی ءَ یک بے سلاھیں سیاسی کارکنے بوتگ۔ آئی ءَ زورگریں پاکستانی لشکر ءَ 2017 ءَ زور بیگواہ کرتگ ءُ داں دو سالاں آزار داتگ۔ یل بوگ ءَ پد آ 2020 ءَ سلاہ بندیں جھد ءَ ھوار بوتگ، بازیں جنگاں دژمن ءِ سر ءَ آسگوار بوتگ ءُ آئی رند ءَ پہ مجید برگیڈ ءَ وتی واھشت پدر کرتگ ءُ آپریشن زرپھازگ ءَ یک نہ ترسیں پدائی یے ءِ دروشم ءَ وتی زندگی ءِ گڈی جنگ ءَ مڑ اتگ ءُ شھید بوتگ۔
آئی ءَ گوشتگ کہ شھید پدائی سنگت مراد ھاسل پنام پرھاد ء پیر مھمد جاہ منند کور پشت بلیدہ 2021 ءَ بلوچ راجی ایردستی ءِ بگیری ءَ سلاہ بندیں جھد بندات کرتگ۔ آئی گوں بھر زورگ ءِ ھواری ءَ پہ بی ایل اے مجید برگیڈ ءَ وتی واھشت پیش کرتگ۔ آ سیاسی زانت ءُ چیرجنگی رپکاں سریچیں ھمبلے بوتگ۔
جارکش ءَ گوشتگ کہ بلوچ پدائیانی گوں وتی سرڈگار، وتی راج ءُ پہ آجوئی ءَ اشک اِنت کہ پہ پدا بوگ ءَ ساہ ءَ سرگوزگءُ دژمن ءِ مھکمیں بنجلانی تہءَ پترگ ءُ دژمن ءَ تاوان دیگ ءَ اَنت۔ پدائیانی مول زند ءَ واتر آھگ نہ اِنت بلکیں وتی جان ءِ نھاد ءَ وتی مول ءِ سوبین بوگ اِنتءُ اے مول تھنا مردمے ءِ نہ بلکیں راجی اِنت۔ وھدے کجام راج ءِ دیمونی ءُ ارادہ اے کچ ءَ مھکم بہ بیت گڑا دژمن چنچو زوراک بہ بیت پروش آئی تالہ ءَ اِنت۔
آئی گوشتگ کہ اے دیمو نی دیگ ءِ پلسپہ ءِ مھکمی اِنت کہ چار بلوچ پدائی یک سکا پھازداریں بنجلے ءَ پتر اَنت ءُباز اداراں دژمن ریاست ءَ چیلنج کن اَنت ءُ گوں ھاکاں ھوار کن اَنت۔ اے تیوک ءَ چار پدائی بوتگ اَنت، اے وھد ءَ مجید برگیڈ ءِ کر ءَ سدانی کچ ءَ ھیلکاریں مرد ءُ جنین پدائی ءَ ھوار اَنت۔ آ کجام وھد ءَ پہ دژمن ءِ تاوان دیگ ءَ جاڑیگ اَنت۔ اگاں دژمنیں ریاست پاکستان ءُ آئی کمکار چین چہ گیشتریں ھونریچی ءَ پھریزگ لوٹ اَنت گڑا زورگریں پاکستانی لشکر ءَ انوں وھد ھست کہ آ ایمنی ءَ چہ بلوچستان ءَ در بہ کپ اَنت اگاں نہ دگہ بلوچ پدائی دژمن ءِ ھمک بنجلءَ پتر اَنت ءُ آیاں جن اَنت۔
جارکش ءَ گوشتگ کہ بی ایل اے ءَ چہ ایشی پیش چین ءَ را گوں تچکیں کلوھاں گوشتگ کہ آ داں بلوچستان ءِ سرجمیں آجوئی ءَ زورگریں پاکستان ءِ گون ءَ وتی باپاری کول ءَ ھلاس بہ کنت۔ بلوچ راج سی پیک ءِ وڑیں شوبندیاں بلوچ ءِ مڈیانی لٹ ءُ پل سرپد بیت ءُ پہ آئی دارگ ءَ وتی تیوگیں زور ءَ کارمرز کنت۔ چین نہ تیوک ءَ زوگریں پاکستان ءِ گونءَ ھواری ءَ بلوچ ءِ مڈیاں لٹ ءُ پل کنگ ءَ اِنت بلکیں پہ بلوچ زرمبشت ءِ ھلاس کنگ ءَ زورگریں پاکستانی لشکر ءِ گون ءَ لشکری ءُ مالی کمک کنگ ءُ بلوچ چکچینی ءَ شریدار اِنت۔ اگاں چین بلوچستان ءَ وتی لٹءُ پلی شوربندیاں بند مہ کنت گڑا بی ایل اے ءَ اے ھک ھست کہ آ چینی شھری ءُ درکانودی چینی شوربندیانی سر ءَترندیں ارش بہ کنت۔
بی ایل اے ءِ جارکش جیھند ءَ گوشتگ کہ بی ایل اے ھمے کول ءَ کنت کہ داں چہ بلوچستان ءَ زورگریں پاکستانی لشکر ءِ درآھگ ءَ مئے ارش گوں ترندی ءَ برجاہ بنت۔
