شال: بلوچ راجی زرمبشت ( بی این ایم ) مردمی ھکانی ادارہ پانک ءَ ماں چاگردی رسانکدر ایکس ءَ بلوچستان ءَ پاکستانی لشکر ءِ نیمگ ءَ زوریں بیگواھیانی پژدر ءَ نبشتہ کرتگ کہ بلوچستان ءَ پاکستانی لشکر ءَ دگہ چار ورنا زور بیگواہ کرتگ۔ زوریں بیگواھی ھمک دومی روچ ءَ تیز بوگ ءَ اِنت۔ مارا چہ بلوچستان ءِ سے جتائیں دمگاں آواران، ھزدار ءُ مستونگ ءَ چار مردم ءِ بیگواھی ءِ ھال سر بوتگ کہ آیانی تہ ءَ دو برات ھوار اَنت۔
آئی ءَ گوشتگ کہ پاکستانی لشکر ءِ نیمگ ءَ زوریں بیگواھی ءِ اے کاروائی تچکی ءَ مردمی ھکانی بگیری اِنت ءُ سانمندیں مردم ءُ آیانی کھولانی گون ءَ یک مزنیں ناھکی یے۔ اے وڑیں گامگیجاں گوں ترندیں دانکاں ایر جن ایں ءُ ایشی زمہ واراں اے کارپدانی بارو ءَ جست گرگ لوٹ ایت۔
آئی ءَ گوشتگ کہ سرکار اے زوریں بیگواھیانی بارو ءَ زوت پٹ ءُ پول بہ کنت ءُ بیگواھیں مردمانی پہ سلامتی یل کنگ ءَ دلجمی بہ دنت۔
