شال: بلوچ راجی زرمنشت ( بی این ایم ) ءِ کتاب تاکبند زرمبش ءِ ھپتمی تاک شنگ بوتگ۔
تاک بند زرمبش ءِ ھپتمی تاک ءِ تہ ءَ بی این ایم ءِ بنجاھی سروک ءُ باسکاں جتائیں بنگپانی سر ءَ نبشتہ کرتگ، اے تاکءِ تہ ءَ چار زبان ءَ بلوچی، براھوئی، اردو ءُ انگریزی ءَ نکان مان اِنت۔
چہ اے تاک ءِ وانگ ءَ مردم ءَ را بلوچ راجی جنز ءَ ھوار آدگہ راجی جنزانی بارو ءَ سرپدی رس ایت۔
چوش کہ بی این ایم مدام پہ وتی اے رنگیں اِلم ءُ سسا ءِ دیم ءَ برگ ءَ کار کرتگ۔ ھمے وڑ ءَ بی این ایم ءِ بُن ھشت ءَ بہ گر داں مروچی وتی سیاسی ءُ اِلمی کاراں وتی راج ءِ میان ءَ دیم ءَ برتگ ءُ اے رویشت پرآشوبیں وھد ءَ برجاہ اِنت۔
