کیچ : ھشت مارچ ءَ سرگودھا ءَ پاکستانی لشکر ءِ جوڑ کرتگیں چیریں اداھانی دست ءَ زور بیگواہ کنگ بوتگیں نودربر ھدا داد ءِ کھول ءِ نیمگ ءَ تجابان ءَ پہ آئی آجوئیءَ برجاھیں زھرشانی نندانک چارمی روچ ءَ داں سے روچ ءَ مھتل دارگ بوتگ۔
آل پارٹی کیچ ءِ سروکاں گوں کیچ دمگدار ءَ گپ ءُ تران کرتگ ءُ آیان ءَ ھدا داد ءِ آجوئی ءِ دلجمی دیگ بوتگ چہ ایشی ءَ پد شپ ءِھشت ءَسی پیک دگ پچ کنگ بوتگ۔
چہ زھرشانی نندا نک جاہ ءَ ھک بہ دیئت زرمبشت ءِ سروک سبگت اللہ شاہ جی ءَ وتی تامربندے ءَ گوشتگ کہ مئے گون ءَ رھوت کنگ بوتگ مارا داں سے روچ ءَ وھد بہ دے اِت شمئے زھگ دیم ءَ آرگ بیت، گوں کھول ءَ گپ ءُ تران ءَ پد ما ھمے سوڑگ کرتگ داں 23 سے مارچ ءَ ما وتی زھرشانی ءَ مھتل دار ایں، ما وتی آھوکیں گامگیج ءِ جار ءَ ما 23 مارچ ءَ جن ایں۔
آئی ءَ گوشتگ کہ اگاں داں 23 مارچ ءَ زھگ یل کنگ نہ بوت گڑا آھوکیں گامگیج سکا ترند بیت۔ ڈی بلوچ بہ بیت یا بوت کنت تربت ءَ بنجل ءِ دیم ءَ زھرشانی کنگ بہ بیت۔ ما چوشیں جاھے نہ بندیں کہ تیوک ءَ لس مردم جنجال بہ بنت پد ءَ ما انچیں جاھے بند ایں کہ واجکار ھم جنجال بہ بنت۔
