ھزدار: وڈ زانشتجاہ ءِ نودربراں زھرشانی ءَ شھدگ بند کرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ ءُ مساپر جنجالانی دیمپان اَنت۔
زھرشانی کنوکیں نودربرانی گوشگ اِنت کہ زانشتجاہ ءَ استاد ءُ آسراتی نیست، دانکہ مئے لوٹ منگ نہ بوتگ اَنت ما وتی زھرشانی ءَ برجاہ دار ایں۔
آیانی گوشگ اِنت کہ مارا ھپتگے بیت ما گوں زانشتجاہ ءِ کارمستر ءَ گپ کنگ ءِ جھد ءَ کنگ ءَ ایں بلے آ نہ وت زانشتجاہ ءَ کیت ءُ نہ مئے لوٹاں منگ ءَ اِنت۔
نودربراں گوشتگ کہ زانشتجاہ ءِ کارمستر وت اسلام آباد ءَ نشتگ ءُ زانشتجاہ ءِ ھال ءِ جست گروک کس نیست۔
