گزہ: دوشی اسرائیلی لشکر ءِ اُرشانی آسر ءَ دگہ ھشتاد پلستینی مرتگ ءُ باز ٹپی بوتگ۔
جھانی رسانکدر ءِ رد ءَ دوشی اسرائیل ءَ گزہ ءِ جتائیں ھنداں نسرت باھوٹیانی گدان ءُ گزہ شھر ءَ وتی اُرش برجاہ داشتگ اَنت۔ اسرائیلی لشکر ءَ گزہ ءَ جتائیں ھنداں شھریانی گس ءُ ماڑی نشانگ کرتگ اَنت۔ اُرشانی آسر ءَ کم چہ کم ھشتاد مردم مرتگ ءُ باز ٹپی بوتگ۔
گزہ ءَ چہ پاری 7 اکتوبر ءَ اسرائیل ءِ برجاھیں اُرشانی آسر ءَ کم چہ کم سیزدہ ھزدار ءُ پنچ سد زھگ ءُ نو ھزار جنیناں ھوار سی ءُ یک ھزار چارسد ءُ نود پلستینی مرتگ ءُ ھپتاد ءُ سے ھزار، چارسد ءُ سی ءُ نوہ ٹپی بوتگ۔
