گوادر: پاری 17 ستمبر ءَ پاکستانی لشکر ءِ جوڑ کرتگیں چیریں ادارھانی کارمندانی دست ءَ زور بیگواہ کنگ بوتگیں ورنا زاکر ء ابدرزاک ءِ کھول ءَ آئی یل نہ کنگ ءِ بگیری ءَ کارواٹ ءَ زھرشانی کرتگ ءُ سی پیک دگ بند کرتگ۔
دگ ءِ بند بوگ ءِسوب ءَ دوئیں نیمگاں گاڑیانی مزنیں کتار اوشتاتگ اَنت ءُ مساپر سکا جنجال بوتگ اَنت۔ زھرشانی ءَ زھگ ءُ جنیناں بازیں کچے ءَ بھر زرتگ ءُزاکر ءِ آجوئی ءِ لوٹ کرتگ۔
یات بہ بہ اِت کہ زور بیگواھیں زاکر ءابد رزاک کپر پسنی ءِ جاہ منند اِنت کہ 17 ستمبر 2023 ءَ گوادر شھر ءَ پاکستانی لشکر ءِ جوڑ کرتگیں چیریں ادارھانی کارمنداں آوار جتگءُ بیگواہ کرتگ کہ انگت بیگواہ اِنت۔
