بلوچ راجی راھشون ءُ بلوچستان آجوئی سنگر (بی ایل ایپ) ءِ سرکماش ڈاکٹر اللہ نزر ءَ ماں چاگردی رسانکدر ایکس ءَ نبشتگ کہ 8 پروری ءِ گچینکاری یک پندلے بوتگ۔ ڈاکٹر مالک ءِ رد ءَ ھپتاد درسد (70%) مردم گچینکاری ءَ بھر نہ زور اَنت ءُ اکتر مینگل ءِ دمگ کہ سَے ھند اِنت سَے درسد (3%)مردماں بھر زرتگ۔
آئی ءَ گْوشتگ کہ اے پاکستان ءِ بگیری ءَ بلوچ راج ءِ گچینکاری (ریپرنڈم) ءِ تُرندیں درشان اِنت ءُ من یکبرے پد ءَ چہ راجدوستاں لوٹ کناں کہ وتگڑیں پاکستان ءِ لوٹوک اَنت، وتی شونداتانی سر ءَ چار ءُ گزار بہ کن اَنت۔ بلوچ آجوئی زْرمبشت کِردانکی ءُ سیاسی بنیاد ءَ سوبمند بوتگ۔
بلوچ راھشون ءَ گْوشتگ کہ بلوچستان ءَ مالکاری کنگ ءِ واھگداراں یک برے پد ءَ کڈن کن ایں کہ بلوچ راج ءِ رازی بیگ ءَ ابید آیانی درسیں جُھد مُپتین اَنت۔ھرچ شوربندی بے سوب بیت ءُ CPEC جھان ءِ چماں پَچ کنت۔
