بلوچ یکجھتی کمیٹی ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ یکجھتی کمیٹی ءِ ” ھمسنتی تکشام“ ءِ پارست ءَ گْوادر شھر ءُ کِر ءُ کشانی ھنداں کمکی سرگرمیانی درچ برجاہ اِنت۔
آئی گوشتگ کہ بنداتی یکجاہ کرتگیں سرپدیانی رد ءَ سامان بھر ءُ بانگ کنگ ءَ ایں۔ چارشمبے 13 مارچ ءَ پلیری گْوادر ءِ مراد بکش بازار، شے بازار ءُ ابدرھیم بازار ءَ ھارآماچیں کھولانی سر ءَ کمکی سامان بھر ءُ بانگ کرتگ اَنت۔
آئی ءَ گوشتگ کہ بلوچ یکجھتی کمیٹی ءَ سر بوتگیں کمکانی داں سانمندیں مردماں سر کنگ ءِ درچ ھمے وڑ ءَ برجاہ بیت۔ پہ گل ءَ ھمنستی تکشام ءَ چونیں ھم کمکے دیگی بوت یا سرپد بوگ ءَ گل ءِ نمبر ءَ رھوت بہ کن اِت۔
