جینوا : اکوام متھدہ ءِ نیمگ ءِ مردمی ھکانی کونسل ءِ پنجاہ ءُ پنچمی نیاد ءَ بلوچ راجی زرمبشت ( بی این ایم ) ءِ نیمگ ءَ یک سرپدی تکشامے برجاہ دارگ بوتگ۔ مراگش ءِ سیمی روچ ءَ ھاجی نسیر ءَ گوں رسانکدرءَ ماں جنیوا ءَ بی این ایم ءِ سرگرمیانی بارہ ءَ گپ جتگ ءُ گْوشتگ ما اد ءَ اتکگ ایں داں جھان ءَ اے گپ ءَ سھی بہ کن ایں کہ بلوچستان ءَ چی بیگ ءَ اِنت۔
آئی ءَ گوشتگ کہ بی این ایم ءِ بنکی باسک ڈاکٹر دین جان ءِ پجیگ ءَ ھزاراں بلوچ سیاسی کارکن زور بیگواہ اِنت ، ھزاراں بلوچ کشگ بیتگ۔ پاکستان پہ بلوچ ءِ مڈیانی لٹ ءُ پل ءَ بلوچ ءِچکچین کنگ ءَ اِنت۔ مئے مستریں مول ھمیش اِنت کہ مااے بارہ ءَ جھان ءَ سرپد بہ کن ایں۔
مراگش ءَ بی این ایم ءِ بنجاھی سرکماش ڈاکٹر نسیمءَ آدگہ بنجاھی اگدہ دار ءُ بنجاھی پتر ءِ باسک ءُ جتائیں تکانی ھمبلاں بازیں کچے ءَ بھر زرتگ۔ اے مراگش چارشمبے ءِ بیگاہ ءَ آسر بوتگ۔
