![](https://zrumbesh.com/wp-content/uploads/2024/03/1000263871.jpg)
گْوادر: جیمڑی کنٹانی ھور ءَ پاکستانی لشکر ( کوسٹ گارڈ ) ءِ لٹ شاپ ءَ ورنایے ءِ جاور ناگیگ اَنت۔
اھوالکارد ءِ رد ءَ مرچی بیگاہ ءِ چار ءَ کنٹانی ھور ءَ جان زیب ءُ بیبگر نامیں دو ورنا ءِ کائک کوسٹ گارڈ ءَ گوں وتی کائک ءَ ٹکر جتگ ءُ دوئیں ورنا باز لٹ شاپ کرتگ اَنت۔ چہ پاکستانی لشکر ءِ بازیں لٹ شاپ کنگ ءَ جانزیب ءِ جاور ناگیگ اَنت پہ درمان کنگ ءَ گوادر نادراھجاہ ءَ برگ بوتگ۔
بنشون ءِ رد ءَ ٹپی بوتگیں دوئیں ورنا جیمڑی شے آباد ءِ جاہ منند اَنت۔ ھندی مردمانی گوشگ اِنت کہ ما کوسٹ گارڈ ءِ زواکیانی بگیری ءَ باند ءَ زھرشانی کن ایں۔
یات بہ بہ اِت کہ زی رمزان ءِ بنداتی روچ ءِ سھبءَ کنٹانی ھور ءَ پاکستانی لشکر ءَ ناھد ا ءُ مزدور مچ کرتگ ءُ لٹ شاپ کرتگ اَنت۔ زی ھم کوسٹ گارڈ ءِ زوراکیانی اکسے ماں رسانکدر ءَ شنگ بوتگ کہ مردماں لٹ شاپ کنگ ءَ اِنت۔
چہ ایشی پیش 15 پروری ءَ کوسٹ گارڈ ءَ زوراکی کرتگ ءُ ایسا ء بابو نامیں ورنایے دریا بڈینتگ ءُ کشتگ اَت۔ بیران بوتگیں ورنا ایسا روکپتی بلوچستان ءِ ھند ڈمپگ دشتیاری ءِ جاہ منند اِنت۔