![](https://zrumbesh.com/wp-content/uploads/2024/03/1000262396-1024x577.jpg)
سوراب: سی ٹی ڈی ءِ کارمنداں سوراب بازار ءَ ابدرزاک رودینی نامیں ورنایے آوار جتگ ءُ بیگواہ کرتگ۔
اھوالکار ءِ رد ءَ سی ٹی ڈی ءِ کارمنداں ابدرزاک ءَ بازار ءِ تہ ءَ مردمانی دیم ءَ لٹ شاپ کنگ ءَ پد آوار جتگ ءُ گوں وت برتگ۔ آئی زوریں بیگواھی ءِ بگیری ءَ کھول ءَ زھرشانی ءَ شال کراچی شھدگ ءَ ٹائر مانداشتگ ءُ دگ بند کرتگ۔ زھرشانی ءَ ھندی مردماں بازیں کچے ءَ بھر زرتگ۔
دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت۔
زور بیگواھیں ابدرزاک ءِ کھول ءِ گوشگ اِنت دانکہ مئے زھگ آجو نہ بوتگ ما دگ ءَ پچ نہ کن ایں۔
یات بہ بہ اِت کہ بلوچستان ءَ زورگریں پاکستانی لشکر، چیریں ادارھانی کارمند ءُ سی ٹی ڈی ءِ نیمگ ءَ زوریں بیگواھی ءِ درچ برجاہ اِنت۔ چہ بلوچستان ءِ جتائیں ھند ءُ دمگاں مردم زور بیگواہ کنگ بوگ ءَ اَنت۔