پسنی: لینانی روگ ءُ آھگ ءِ بگیری ءَ جنیناں زھرشانی ءَ دگ بند کرتگ۔ زھرشانی کنوکیں مردماں واکدار ءُ کیسکو ءِ بگیری ءَ اوگام جتگ۔ دگ ءِ بند بوگ ءِ سوب ءَ دوئیں نیمگاں گاڑی اوشتوک بوتگ اَنت۔
زھرشانی کنوکیں مردمانی گوشگ اِنت کہ کیسکو ءِ نیمگ ءَ لینانی روگ ءِ وھد ھشت اداراں گیشتر کنگ بوتگ کہ چہ ایشی ءَ مردم سکا جنجالانی دیمپان اَنت۔
آیان گوشتگ کہ وھدے ما لینانی روگ ءِ بگیری ءَ دمگدار ءِ کارگس ءِ دیم ءَ زھرشانی کرتگ گڑا دمگدار ءَ مئے گون ءَ بے ادبی کرتگ، ایشی پژدر ءَ ما شھدگ بند کرتگ۔
دگ ءِ بند بوگ ءِ سوب ءَ مساپر سکا جنجالانی دیمپان بوتگ اَنت۔
