گوادر: بلوچ یکجھتی کمیٹی ءِ سروک ڈاکٹر ماہ رنگ ءَ وتی تامربندے شنگ کرتگ ءُ گوشتگ کہ گوادر ءِ راستی چے اِنت؟ یک وتگڑیں میگا پروجیکٹے جور کنگ بوتگ ، ھمے میگاپروجیکٹ ءَ پد یک انچیں گمانے دیگ بوتگ کہ گوادر شھر ءُ گوادر ءِ جھمنند دیمروئی دیگ بوتگ اَنت۔ بلے راستی چو نہ اِنت۔
آئی ءَ گوشتگ کہ گوادر ءِ راستی ھمیش اِنت کہ دیمروئی ءِ نام ءِ سر ءَ ھمک میتگ ءُ دمکءَ یک پانگسے جوڑ کنگ بوتگ، کوسٹ گارڈ بہ بنت یا پاکستان ءِآدگہ لشکر مردمانی گساں بیڑ بر اَنت ءُ ورنایاں آوار جن اَنت۔ آیان ءَ اے موکل سرکار ءِ نیمگ ءَ دیگ بوتگ ، گوادرءِ مردمانی سد سال کوھنین روزگار ھم چہ آیاں پلگ بوتگ۔مرچی نہ تیوک ءَ گوادر ءَ ھزارانی کچ ءَ مرد، بے گس بوتگ اَنت بلکیں آیانی روزگار ھمک پلگ بوتگ اَنت۔ گوادر ءِ مردمانی زندماں چون بہ گوز ایت بلے کس نہ زانت۔
ڈاکٹر ماہ رنگ ءَ گوشتگ کہ بلوچ یکجھتی کمیٹی ءَ گوادر ءِ تہ ءَ وتی کار بندات کرتگ اَنت ءُ پہ اےکاراں ما یک سرپدی مراگشے برجم دارگ ءَ ایں، اے مراگش ءَ ما زانتکار گوشتگ اَنت، دانکہ آ بزانت گوادر ءِ تہ ءَ ھما جاور کہ ودی بوتگ اَنت گڑا گوادر مرچی کجام داب ءَ اِنت۔ ھمے ھار کہ گوادر ءَ آتکگ ایشی سوب چے بوتگ اَنت۔ گوادر ءِ ھما مردم آیانی توار گوش دارگ نہ بوتگ ما آیاں آرگ ءُ آیانی تواراں گوش دارگ لوٹ ایں۔ آ استاد ءُ شائر بہ بنت یا کہ دریا ورد بہ بنت آیانی توار کس ءَ گوش نہ داشتگ اَنت۔
آئی ءَ گوشتگ کہ من گوں شما درساں ھمے دزبندی ءَ کنان کہ بی وائی سی ءِ سرپدی مراگش باندا یازدہ ءَگوس بکش بزنجو اسٹیڈیم ءَ برجاہ دارگ بیت وتءَ سر بہ کن اِتءُ واکدار ءِ گون ءَ ھمراھداری بہ کن اِت۔ اے مراگش ءَ یک شریں وڑے ءَ دیم ءَ بہ بر اِت۔ ھما توار کہ ریاست ءَ چیر داتگ ھما توار ءَ داں وتی راج ءُ سرجمیں جھان ءَ سربہ کن اِت۔
