شال: بیگواھیں بلوچانی توار ( وی بی ایم پی ) ءِ کارگشاد ءُ زور بیگواھیں ڈاکٹر دین مھمد ءِ جنک سمی دین ءَ ماں چاگردی رسانکدر ایکس ءَ نبشتگ کہ جنینانی میان استمانی روچ ءِ درگت ءَ منی دل پہ ھما جھدکاریں جنیناں نیک دوائی کنت کہ آ بے ترس ءَ زوراکانی بگیری ءَ اوشتاتگ اَنت ءُ پہ وتی بنیادی ھک، آجوئی ءُ برابری ءَ مڑگ ءَ اَنت۔
آئی ءَ گشتگ کہ من بلوچ ءِ جنین یکشل ءَ جھد کنگ ءَ اَنت آیاں ستک شانی ندر کن آں کہ آ نہ تیوک ءَ پہ وتی آجوئی ءَ بلکیں چہ چنچو دھکاں پہ وتی زور بیگواھیں آزیزانی آجوئی ءُ سلامتی یل کنگ ءَ مڑگ ءَ اَنت۔ آ گھگیری ءِ راستیں بزانت ءَ دیم ءَ آرگ ءُ پدریچ ءَ سکین دیگ ءَ اَنت۔ جنجالانی دیم ءَ پروش اِش نہ وارتگ۔
سمی دین ءَ گوشتگ کہ درسیں جنین گیشتر گوں ترندی ءَ وتی جھد ءَ برجاہ بدار اَنت، اڑانداں پروش بدے اَنت، داں آجوئی ءُ انساپ ءِ گرگ ءَ گھگیری بہ کن انت۔
