گوادر: پہ ھارآماچیں مردمانی کمک ءَ بلوچ یکجھتی کمیٹی ءِ نیمگ ءِ جنگ بوتگیں گدان ءَ گودار پولیس بند کنگ ءِ بیھار ءَ دیگ ءَ اِنت۔
اھوالکار ءِ رد ءَ اے وھد ءَ بازیں کچے ءَ پولیس کارمند آتکگ اَنت ءُ بی وائی سی ءِ کمکی گدان اِش انگر کرتگ ءُ ھمے گمان کنگ بوگ ءَ اِنت کہ گدان ءِ سر ءَ ارش بہ کنت ۔ پولیس کارمندانی تہ ءَ جنین ھم ھوار اِنت۔
یات بہ بہ اِت کہ گودر ءِ ھار ءَ دہ روچ گوزگ ءَ پد چہ سرکار ءِ نیمگ ءَ ھچ وڑیں کمک نہ بوتگ۔
اے درگت ءَ بی وائی سی ءَ گوادر ءَ ھوار بلوچستان ءِ جتائیں ھند ءُ دمگانی تہ ءَ پہ گوادر ءِ ھار آماچیں مردماں کمکی گدان جتگ ءُ پہ گوادر ءِ ھار آماچیں مردماں بلوچ راج ءِ نیمگ ءَ کمک یکجاہ کنگ بوگ ءَ اِنت۔ سرکار ھار آماچیں مردمانی کمک ءَ ابید کمک کارءِ دارگ ءِ جھد ءَ کنگ ءَ اِنت۔
