![](https://zrumbesh.com/wp-content/uploads/2024/03/1000257917-1024x560.jpg)
کیچ: تمپ ءَ یک شمبے ءِ بیگاہ ءَ نھنگ کور ءَ بڈاتگیں ورنا شھزاد ءِ لاش پنچمی روچ ءَ دزکپتگ۔
شھزاد ء واھد تمپ ءِ میتگ دازن ءِ جھمنند اِنت، ھما وھد ءَ آپ ءَ بڈ اتگ کہ آ بیگاہ ءَ چہ دازن ءَ پرپٹ ءِ سر ءَ دیم پہ ملانٹ ءَ روگ ءَ بوتگ۔ کھول ءُ ھندی مردمانی پٹ ءُ پول کنگ ءَ پد مرچی پنچمی روچ ءَ آئی لاش گندگ بوتگ۔
بنشون ءِ رد ءَ پہ شھزاد ءِ لاش ءِ کشگ ءَ سرکاری واکداراں ھچ وڑیں کمک نہ کرتگ۔ پہ شھزاد ءِ لاش ءِ کشگ ءَ ھندی مردماں کمک کرتگ ءُ لاش کش اِتگ۔
اے بارو ءَ گوستگیں روچ ءَ شھزاد ءِ برات ءَ وتی تامربندے ءَ گوشتگ کہ منی برات ءِ لاش ءِ درگیجگ ءَ سرکار مارا ھچ وڑیں کمک کنگ ءَ نہ اِنت۔ اد ءَ لیویز ءُ پولیس کارمند انچو کاینت نند ءُ پد ءَ رو اَنت، مارا ھف وڑیں کمک کنگ ءَ نہ اَنت۔