![](https://zrumbesh.com/wp-content/uploads/2024/03/WhatsApp-Image-2024-03-06-at-09.50.25_c8a2a4e1.jpg)
شال: پہ زور بیگواھیں مردمانی پد جنگ ءَ شدکشیں زھرشانی گدان 5370 ءَ روچ سرجم بوتگ کہ شال پریس کلب ءِ دیم ءَ برجاہ اِنت۔
بیگوھیں بلوچانی توار ( وی بی ایم پی ) ءِ کمک سرکماش ماما کدیر تران کرتگ ءُ گوشتگ کہ بلوچستان ءَ پہ سیاسی توارانی دار گ ءَ ریاست ءِ نیمگ ءَ زوراکیانی درچ بندات کنگ بوتگ ھما اِنت یکشل ءَ برجاہ اِنت۔
آئی ءَ گوشتگ کہ ریاست زوریں بیگواھیانی پارست ءَ بلوچ سیاسی کارکناں چہ راجی جھد ءَ دزکش کنگ ءِ بے سوبیں جھدے کنگ ءَ اِنت۔ میان استمانی مردمی ھکانی ادراہ پہ اے رستری زوراکی ءِ گر ءُ دار کنگ ءَ وتی کرد ءَ پیلو بہ کن اَنت۔
ماما کدیر گوشتگ کہ بلوچ راج ءَ یکجاہ بوگ ءُ اے رستری زوراکی ءِ بگیری ءَ توار چست کنگ لوٹ ایت۔ بلوچستا ن ءَ وتگڑیں راجمستری سرکار ءِ نام ءَ گنتریں زوراکی کنگ بوگ ءَ اِنت۔
۔