شال: روکپتی بائی پاس ءَ گیس ءِ کمی ءِ بگیری ءَ ھندی مردماں زھرشانی ءَ دگ بند کرتگ۔ زھرشانی ءَ جنین ءُ زھگاں ھوار مردمان بازیں کچے ءَ بھر زرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت۔
زھرشانی کنوکیں مردمانی گوشگ اِنت کہ شال ءِ برپ بستیں سارتی ءَ گیس ءِ نہ بوگ ءِ سوب ءَ مردم سکا جنجالانی دیمپان اَنت ءُ اے درگت ءَ واکداراں سدے پرنیست۔
آیاں گوں وتگڑیں سرکار ءَ لوت کرتگ ءُ گوشتگ کہ زوتاں چہ زوت گیس ءِ جیڑہ گیش ءُ گیوار کنگ بہ بیت اگاں نہ ما وتی زھرشانی ءَ برجاہ دار ایں۔
یات بہ بہ اِت کہ بلوچستان ءِبنجاھی شھر شال ءَ ھمک سال ءَ سارتیانی میان ءَ گیس ءِ نہ بوگ ءِ جیڑہ ودی بیت ءُ ھمک وھد ءَ مردم دگانی سر ءَ زھرشانی ءَ گندگ بنت۔
