بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند کولواہ ءَ پہ پاکستانی لشکر ءَ راشن ءُ دگہ سامان برگ ءَ بوتگیں گاڑی ءِ سر ءَ اُرش کُرتگ ءُ سامان بُرتگ اَنت۔
آئی گوشتگ کہ دوشی سرمچاراں مراستان کولواہ ءَ پہ پاکستانی لشکر ءَ راشن بروکیں گاڑی ءِ سر ءَ اُرش کُرتگ ءُ راشن ءُ آدگہ سامان دستیگ کُرتگ اَنت، ڈرائیور بلوچ بوگ ءِ بنیاد ءَ کڈن کُرتگ ءُ یل داتگ۔
جارکش ءَ گوشتگ کہ پروش وارتگیں پاکستانی لشکر پہ وتی بنجل ءُ پانگساں راشن برگ ءَ ھندی گاڑیاں پہ زور کارمرز کنت۔اے راشناں چہ زورگریں پاکستانی لشکر ءِ ھوشاپ بنجل ءَ پہ سسگ، بلور ءَ برگ ءَ بوتگ اَنت کہ سرمچاراں مراستان ءَ گاڑی داشتگ ءُ راشن ءُ آدگہ ورگی سامان بُرتگ اَنت۔
آئی ءَ گوشتگ کہ چہ ایشی ءَ پیش ھم سرمچاراں بلوچستان ءِ جتائیں دمگاں ءُ کولواہ ءَ ھمے سال ءِ یک پروری ءَ دژمنیں لشکر ءِ راشن ءُ دگہ سامان دستیگ کُرتگ اِت اَنت ءُ ھمے میان ءَ دژمن ءِ یک سر ویلنس ڈرون کیمرھے ھم نشانگ کُرتگ ءُ دور داتگ اَت۔
بی ایل ایپ ءِ جارکش میجر گھرام ءَ اُرش ءِ زمہ واری منّ اِتگ ءُ گوشتگ کہ داں بلوچ سرڈگار ءِ آجوئی ءَ دژمن ءِ دُرسیں سیت سرمچارانی نشانگ ءَ اَنت۔
