لندن : بلوچ راجی زْرمبشت ( بی این ایم ) ءِ ماں لندن ءَ چار روچی آگاھی باوست ءِ دومی پدانک ھم آسر بیتگ۔اے باوست ءَ بلوچستان ءِ چک ءَ پاکستان ءِ زورگری ءُ بلوچانی سر ءَ پاکستان ءِ زوراکی سھرا کنگ بیتگ اَنت۔
باوست ءِ میان ءَ سیاسی باسک ءُ زْرمبشت ءِ دوزواھاں لندن ءِ میانی ھند ءُ جاھاں روانکے کش اتگ ، آیاں لندن ءِ نندوک بلوچستان ءِ ناگیگیں جاورانی بارہ ءَ سرپدی داتگ اَنت ءُ گْوشتگ ’ گوں بلوچستان ءِ مردماں ناروائی بیگ ءَ اِنت۔‘
لندن ءَ باوست ءِ آسر بیگ ءَ پد دیم ءِ پدانک ءَ ماں مانچسٹر ءُ لیڈز ءَ باوست بیت ، بی این ایم پہ بلوچ آجوئی زْرمبشت ءِ پلہ مرزی ءَ آگاھی ودی کنگ ءُ مردماں وتی پت ءَ ترینگ ءِ کوشست ءَ دیم ءَ برگ ءِ واھگ دار ایت۔
اوست ھمیش اِنت کہ مانچسٹر ءُ لیڈز ءَ زیت دیم ءِ پدانک ءِ باوست بنا کنگ بیت۔
چہ بی این ایم ءِ نیمگ ءَ گْوشگ بیتگ ، بلوچ راجی زْرمبشت ( بی این ایم ) پہ بلوچ راج ءَ مزدانک ءُ آجوئی گرگ ءَ وتی من ءُ مرادانی سر ءَ گوں تمردی ءَ اوشتاتگ ، لندن باوست ءُ آئی ءِ آسر بی این ایم ءِ باسک ءُ دوزواھانی تمردیں واھگ ءِ گواچن اَنت۔
