![](https://zrumbesh.com/wp-content/uploads/2024/02/1000249200-1024x707.jpg)
بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ اھوالکار اسد الی تور ءِ دزگیری ءِ پژدر ءَ نبشتگ کہ مردمی ھکانی گل پہ نامداریں اھوالکار اسد تور ءَ توار چست بہ کن اَنت۔
آئی ءَ گوشتگ کہ پاکستان ءَ وھدے اھوالکار، سیاسی کارکن یا مردمی ھکانی کارکن راھبند ءُ کانود ءِ رد ءَ گپ کن اَنت، آیان ءَ گیشتر کیس، ایپ آئی آر ءُ بیھارانی دیمپانی کنگ بیت۔ وھدے کہ بلوچستان ءَ زوریں بیگواھی ءُ درکانودی کوش ءِ ترس گیش بوتگ۔
ڈاکٹر ماہ رنگ ءَ گوشتگ کہ مردمانی ھکانی گل پہ اسد تور ءِ سلامتی ءَ زوت توار چست بہ کن اَنت۔