نسیر آباد: سندی راجدوستیں سروک ھدایت لوھار ءِ پاکستانی لشکر ءِ جوڑ کرتگیں چیریں ادارھانی کارمندانی دست ءَ ناھکیں کوش ءِ بگیری ءَ زھرشانی روانکےکشگ بوتگ۔
زھرشانی روانک شھید ھدایت لوھار ءِ جنک مسنگ پرسن آپ سند ءِ سروک سسی لوھار ءُ سورٹ لوھار ءِ سروکی ءَ کشگ بوتگ۔ روانک ءَ سیاسی، چاگردی ءُ مردمی ھکانی کارکناں ھوار زھگ ءُ جنیناں ھم بازیں کچے ءَ بھر زرتگ۔
زھرشانی کنوکیں مردماں پلے کارڈ ءُ بینر دستاں بوتگ اَنت کہ مردماں ھدایت لوھار ءِ ناھکیں کوش ءِ بگیری ءَ اوگام جتگ ءُ آئی کشندھانی دزگیر کنگ ءِ لوٹ کرتگ۔
