نال: گریشگ ءَ ماسٹر یونس ءِ آوار جنگ ءُ زور نکاہ کرتگیں جنک سمرینہ ءِ کھول ءِ ایپ آئی آر پولیس ءَ نبشتہ کرتگ۔
زی نال پولیس ءَ ماسٹر یونس ءِ بگیری ءَ ایپ آئی آر نبشتہ نہ کرتگ اَت سمرینہ ءِ کھول ءَ ایپ آئی آر نہ کنگ ءِ بگیری ءَ زھرشانی کرتگ، زی کھول ءِ نیمگ ءَ جتگیں جار ءِ پد ءَ مرچی چہ نال ءُ گریشگ ءَ مردم بازیں کچے ءَ آتکگ ءُ مچ بوتگ اَنت۔
بنشون ءِ رد ءَ پولیس ءَ ایپ آئی آر نبشتہ کرتگ ءُ بیست ءُ چار ادارانی تہ ءَ میاربار ءِ دزگیر کنگ ءِ دلجمی داتگ۔
سمرینہ ءِ مات بسران ءَ زھرشانی ءَ آتکگیں درسیں مردمانی منت گپتگ ءُ گوشتگ کہ مردمانی گھگیری ءَ پد پولیس ایپ آئی آر ءِ نبشتہ کنگ ءَ لاچار بوتگ، اگاں نال پولیس ءَ داں وتی داتگیں وھد ءَ گامگیج نہ زرت گڑا ما آھوکیں گامگیج ءِ جار ءَ جن ایں۔
