بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ءَ ماں چاگردی رسانکدر ایکس ءَ دوھزار یازدہ ءَ توتک ءَ پاکستانی لشکر ءِ زوراکیانی پژدر ءَ نبشتگ کہ دوھزار یازدہ ءِ ھمے روچ ءَ بلوچستان ءِ ھند توتک ءَ پاکستانی لشکر ءَ پہ زوراکی کنگ ءَ لشکرکشی کرتگ ءُ ایشی آسر ءَ دو مردم شھید کرتگ ءُ باز مردم آوار جتگ ءُ بیگواہ کرتگ، انگت بیگواہ اَنت۔
بی این ایم ءِ سرکماش ءَ گوشتگ کہ ایشی ءَ پد ھمے ھند ءَ مچی مانشجاہ گندگ بوتگ چہ آیاں 169 مردم ءِ لاش دزکپتگ۔
