بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں 16پروری ءَ کیچ ءِ ھند مند ءَ پاکستانی لشکر ءِ کارمندانی سر ءَ بمب اُرش کرتگ، اُرش ءِ آسر ءَ دو کارمند مرتگ ءُ دو ٹپی بوتگ۔
آئی ءَ گوشتگ کہ بی ایل اے ءِ سرمچاراں پہ زورگریں لشکر ءِ نشانگ کنگ ءَ مند ءِ ھند بلوچ آباد ءَ دو جاہ ءَ تراکناکیں شورہ چیر کرتگ۔ نیمروچ ءِ یک ءَ لشکر ءِ یک گاڑی یے ءُ یک پرپٹے ھمے جاہ ءَ سر بوتگ اَنت چہ آیاں شش کارمند ایرکپتگ ءُ یکے دیوالے ءِ سر ءَ نبشتگیں لبزانی دور کنگ ءَ بوتگ کہ یکیں وھد ءَ سرمچاراں تراکینتگ اَنت، دوئیں بمب یکیں وھد ءَ نشانگ کنگ بوتگ اَنت۔
جارکش آزاد ءَ گوشتگ کہ اُرش ءِ زمہ واری ءَ مئے گل بی ایل اے منّ ایت۔
