بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں 16 پروری ءِ سھب ءَ کوھلو ءِ ھند کاھان ءَ گچینکاری ءِ میان ءَ مکماڑ گچینکاری جاہ ءَ گوں مزن ءُ وتکاریں سلاھاں اُرش کرتگ، اُرش ءِ آسر ءَ یک لیویز کارمندے ٹپی بوتگ۔
آئی گوشتگ کہ ھمے گچینکاری جاہ مئے سرمچاراں ھما وھد ءَ نشانگ کرتگ کہ اود ءَ دوبر پاکستان ءِ گچینکاری ءِ کار برجاہ بوتگ۔
جارکش ءَ گوشتگ کہ یات بہ بہ اِت 8 پروری ءَ زورگپتیں بلوچستان ءِ آدگہ ھندانی وڑ ءَ کوھلو ءَ وتگڑیں ریاست ءِ گچینکاری ءِ کار سرجم ءَ بے سوب کرتگ۔ اے درچ ءَ سرکاری کمکارانی پارست ءَ ھمے ھند ءَ زی یکبرے پد ءَ گچینکاری کنگ ءِ جھد بوتگ بلے سرمچاراں بے سوب کرتگ۔
