زور بیگواھیں چنگیر ءِ گھار ھپزا ءَ ماں چاگردی رسانکدر ایکس ءَ وتی برات ءِ دہ سال ءِ زوریں بیھواھی ءِ پژدر ءَ نبشتگ کہ مئے زندمان ءِ ھما تھاریں شپ انگت ءَ سھب نہ بوتگ۔
آئی ءَ گوشتگ کہ یازدہ جنوری 2014 ءَ بگر داں انوں منی برات زواک ءِ آزارجاھاں بندیگ اِنت۔ سرجمیں دہ گمیگ، زپتیں زھیر ءُ چکاساں چکاریں سال آئی ءَ ابید گوستگ ءُ ما چہ دہ سالاں گوں ھمے آزاراں دروازگ ءِ دپ ءَ نشتگ ءُ آئی ءِ وداریگیں۔
یات بہ بہ اِت کہ زور بیگواھیں چنگیز مشکے ءِ جھمنند اِنت زورگریں پاکستانی لشکر ءَ 11 جنوری 2014 ءَ چہ ھزدار ءَ آوار جتگ ءُ بیگواہ کرتگ۔
زور بیگواھیں چنگیز ءِ گھار ھپزا پہ وتی برات ءِ آجوئی ءَ بلوچ یکجھتی کمیٹی ءِ نیمگ ءَ اسلام آباد پریس کلب ءِ دیم ءَ برجاھیں زھرشانی نندانک ءَ ھم بھر زرتگ ءُ نشتگ۔