گزہ: پلستین ءِ جاندراھی تک ءِ گوشگ اِنت کہ چہ اسرائیل ءِ اُرشانی آسر ءَ دوھزار، دو سد ءُ پانزہ پلستینی مرتگ۔ آیانی تہ ءَ ھپت سد ءُ سی ءُ چار زھگ ءُ چارسد ءُ پنجاہ ءُ ھشت جنین ھوار اِنت۔
جھانی رسانکدر ءِ رد ءَ پلستینی چہ گوریچانی گزہ ءَ لڈ ءُ بار کنگ ءُ زربار ءَ روگ ءَ اَنت۔ گوستگیں روچ ءَ اسرائیل ءَ پلستینی بیھار داتگ اَنت کہ گوریچانی گزہ ءَ ھالیگ بہ کن اَنت۔ اے بارو ءَ اکوام متھدہ ءَ ھوار آدگہ بازیں مردمی ھکانی ادارھاں گوں اسرائیل سرکار ءَ لوٹ کرتگ کہ آ وتی ھمے سوڑگ ءِ سر ءَ دلگوش بہ کنت۔
میان استمانی کمکی ادارھاں اے پرمان میان استمانی راھبند ءِ بگیری ءُ زھگ، جنین ءُ کماشانی گون ءَ مچی سزا لیک اتگ ءُ ایر جتگ۔
بنشون: جھانی رسانکدر / اکس: دامگ
