بیت المکدس: اسرائیل ءَ ھماس ءِ جنگولانی اُرش ءَ سیئسد اسرائیلی مرتگ ءُ شانزہ سد مردم ٹپی بیتگ اَنت، جنگ انگت ءَ برجاہ اَنت۔
جھانی رسانکدر ءِ رد ءَ چہ گوستگیں روچ ءَ داں انوں اسرائیل ءِ سر ءَ ھپت ھزار ءَ گیش راکٹ ءِ گولا آس دیگ بیتگ۔ ھماس ءِ جنگولاں زمین، دریا ءُ چہ برزا سے نیمگاں اُرش کرتگ اے گوستانک ءِ درساں مستریں جنگ اِنت۔
ھماس ءِ جنگولاں اُرشانی میان ءَ پنجاہ ءُ ھپت سھیونی لشکری دزگیر کرتگ ءُ بازیں اسرائیلی لشکری گاڑی ھم دستیگ کرتگ اَنت ءُ بازیں ٹینکس تباہ کرتگ اَنت۔
اسرائیل ءِ پسھی ارش ءَ گزہ پٹی ءَ بازیں ماڑی ءُ لس شھری نشانگ کنگ بیتگ اَنت۔ اسرائیلی پسھی اُرشاں داں انوں 232 پلستینی مرتگ ءُ ھبدہ سد ٹپی بیتگ۔ ھماس ءِ لشکری بھرگ الکسام بریگیڈ ءِ سروک کماندار مھمد الزیپ ” ابو ھالد“ ءَ آپریشن توپان الاکسی ءِ بندات کنگ ءِ جار جتگ ءُ گوشتگ کہ اے اُرش اسرائیل ءِ نیمگ ءَ مسجد الاکزا ءَ پلستینیانی سر ءَ یکشلیں زوراکیانی پسو اِنت۔
بنشون: جھانی رسانکدر / اکس: دامگ
