دھلی: ھندوستان ءَ ترندیں ھور ءُ ایروپاں تباھی کرتگ، سے روچ ءِ برجاھیں ھور ءُ ھاراں چل مردم بیران بیتگ۔
جھانی رسانکدر ءِ رد ءَ ھندوستان ءِ گوریچان ءَ سے روچ اِنت کہ ترندیں ھور یکشل ءَ برجاہ اَنت بازیں کچے ءَ جانی ءُ مالی تاوان بیتگ۔ چہ جتا جتائیں ھنداں چل مردم بیران بیتگ۔
ھندوستانی رسانکدر ءِ رد ءَ راجستھان ءَ شش، اترپردیش ءَ پنچ، ھماچل ءَ بیست ءُ پنجاپ ءَ چار مردم بیران بیتگ۔
بنجاھی شھر ءَ بیست سالانی تہ ءَ مستریں توپان گوشگ بیت، اود ءَ ھشت ءَ گیش مردم بیران بیتگ۔ جموں کشمیر ءَ ھندوستانی لشکر ءِ دوکارمند ھار ءَ برتگ کہ آیانی جون دزکپتگ اَنت۔
چہ ھور ءُ ایروپاں بنجاھی شھر، ھریانہ، ھماچل پردیش، اتراکھنڈ، راجستھان، پنجاپ ءُ جموں کشمیر گیش سانمند بیتگ اَنت۔
بنشون: جھانی رسانکدر / اکس: دامگ
