ایمنسٹی انٹرنیشنل زرباری ایشیا ءَ وتی شنگ کرتگیں درشانے ءَ گوں پاکستان سرکار ءَ لوٹ کرتگ کہ آ زور بیگواھیں اَبدُالھمید زھری ءِ درگیجگ ءَ آئی ءِ کھول ءِ کمک ءَ بہ کنت، اگاں اَبدُالھمید زھری ریاستی ادارھانی بندیگ اِنت گڑا آ دیم ءَ آرگ ءُ آمیدگس ءَ پیش کنگ بہ بیت۔
چہ ادارہ ءِ ٹویٹر ءَ شنگ بیتگیں درشان ءَ گوشگ بیتگ کہ اگاں آئی ءِ سر ءَ چونیں بھتام ھست ءُ آ بندیگ کنگ بیت اے وھداں کانود ءِ وڑ ءُ پیم کارگرگ بہ بنت، آ شھری آمیدگس ءَ پیش کنگ ءُ وتی بے میار کنگ موہ دیگ ءِ ھواری ءَ آئی ءَ مرگ ءِ سزا ءَ اَبید شریں کرد پیلو کنگ لوٹ ایت۔ یات بہ اِت کہ اَبدُالھمید زھری ھزدار ءِ جھمنند اِنت 10 اپریل 2021 ءَ چہ کراچی ءَ زور بیگواہ کنگ بیتگ اَت۔
آئی کھول ءِ گوشگ اِنت کہ اَبدُالھمید ءَ پاکستانی چیریں ادارھانی کارمند ءُ سند پولیس ءَ ھواری ءَ چہ گلستان جوھر کراچی ءَ آئی ءِ گِس ءَ آوار جتگ ءُ گوں وت برتگ۔
بنشون: درشان / اکس: دامگ
