دھلی: ھندوستان ءِ ریاست اُڑیسہ ءَ سے ریلانی ڈک ورگ ءَ 288 بیران ءُ نوہ سد ءَ گیش مردم زدگ بیتگ۔
جھانی رسانکدر ءِ رد ءَ ھندوستانی ریاست اڑیسہ ءِ دمگ بالاسور ءَ گوستگیں روچ ءَ دو مساپر ءُ یک بار کشیں ریلے ءَ ڈک وارتگ 288 مردم بیران ءُ نوہ سد ءَ گیش مردم زدگ بیتگ۔
بیران بیتگیں مردمانی جون ءُ زدگ بیتگیں مردم جتا جتائیں نادراھجاھاں برگ بیتگ اَنت۔ بیران بیتگیں مردمانی کچ گیش بوان اِنت۔
ھندوستانی رسانکدر ءِ رد ءَ چہ کَلکتہ ءَ چنی ءَ روگ ءَ بیتگیں ریل ءِ دوازدہ داں پازدہ بوگی تاوان بیتگ۔ دومی چہ یسونت پور ءَ ھاوڑہ ءَ روگ ءَ بیتگیں مساپر کشیں ریل ءِ بوگی تاوان بیتگ اَنت۔
بنشون: جھانی رسانکدر |اکس: دامگ
