بلوچ راجی آجوئی سنگر ( براس ) ءِ جارکش بلوچ ھان ءَ ماں رسانکدر ءَ وتی شنگ کرتگیں درشانے ءَ گوشتگ کہ براس ءِ سرمچاراں گوستگیں روچاں زورگریں لشکر، آئی کمکار ءُ گچینکاری جاھاں جتائیں وھداں 24 ارش کرتگ، چوناھا دو ھپتگانی تہ ءَ 161 اُرش کرتگ۔ اے اُرشانی مول زورگریں ریاست ءَ ھوار جھان ءَ تچکی ءَ گوش ایں کہ بلوچ ایردستی ءَ ھچ وڑ ءَ نہ منّ ایت۔ بلوچ راجی آجوئی سنگر راجی ایردستی ءِ بگیری ءَ وتی اُرشاں ترند کنت۔
آئی ءَ گوشتگ کہ بلوچ راج ءَ وتگڑیں گچینکاری ءَ بھر نہ زرتگ ءُ بلوچ راجی آجوئی ءِ پلہ مرزی کرتگ۔ زورگریں لشکر ءَ میر ءُ مھتر، سردار ءُ آدگہ دروشماں ساڑی ئیں کمکارانی پارست ءَ بلوچ راج پہ زور آیانی گساں کش اِتگ اَنت ءُ وتگڑیں گچینکاری ءِ پندل ساچگ ءُ جھان ءِ دیم ءَ سوبمند کنگ ءِ جھد کرتگ بلے بلوچ راج ءَ زورگر ءِ اے وتگڑیں گچینکاری رد کرتگ بلوچ سرڈگار ءِ آجوئی ءِ ھک ءَ ووٹ داتگ۔
جارکش ءَ گوشتگ کہ بلوچ سرمچارانی گون ءَ کمک کنگ ءَ راج ءِ منت ءَ گریں۔ ما یکبرے پد ءَ تچک کنگ لوٹ ایں کہ اے اُرشاں سرمچاراں ءَ چہ مردمانی تاوان دیگ ءَ پھریزگ ءِ پرمان داتگ۔ پمیشکا اُرشانی زور کم کرتگ اَنت۔
آئی ءَ گوشتگ کہ براس ءِ سرمچاراں زی شال ءَ نیمروچ ءَ وتگڑیں پاکستان ءِ گچینکاری جاہ سریاب دگ ءَ ھان زھی ءَ تراکناکیں شورھانی گون ءَ نشانگ کرتگ۔ تراک ءِ آسر ءَ امیدوار نور اللہ لھڑی ٹپی بوتگ، گچینکاری جاہ سکا تاوان بوتگ۔ سرمچاراں شال، سریاب گریب آبا ءَ دو ءِ نزیک ءَ دگہ یک گچینکاری جاھے گوں تراکناکیں شورھاں نشانگ کرتگ۔
جارکش ءَ گوشتگ کہ سرمچاراں شال ءِ روکپتی بائی پاس ءَ کلی ھلی گچینکاری جاہ ھما وھد ءَ گوں تراکناکیں شورھاں نشانگ کرتگ کہ وتگڑیں ووٹانی ھساب ءَ بوتگ اَنت۔
آئی گوشتگ کہ براس سرمچاراں زی بیگاہ ءَ ھزدار ءِ ھند کھنڈ ءَ زورگریں پاکستانی لشکر ءُ چیریں ادارھانی جوڑ کرتگیں وتگڑیں کشندہ ٹولی ءِ سروک شپیک مینگل ءِ دست ء راست شھزاد گلامانی گاڑی گوں چیرکرتگیں شورھاں نشانگ کرتگ چہ ایشی ءَ ٹپی بوتگ ءُ آئی گاڑی باز تاوان بوتگ۔
جارکش ءَ گوشتگ کہ براس ءِ سرمچاراں شش پروری سے شمبے ءَ مچ ءَ زورگریں لشکر ءِ گاڑی یے گوں چیرکرتگیں شورھاں نشانگ ءَ پد گوں وتکاریں سلاھاں نشانگ کرتگ۔ اُرش ءِ آسر ءَ یک مردمے جاھی مرتگ ءُ کم چہ کم سے کارمند ٹپی بوتگ۔
آئی گوشتگ کہ براس ءِ سرمچاراں ھشت پروری ءِ سھب ءَ بالگتر سھاکی ءَ پاکستانی لشکر ءِ بنجل گوں وتکاریں سلاھاں نشانگ کرتگ۔ اُرش ءِ آسر دُژمنیں لشکر ءَ جانی ءُ مالی تاوان بوتگ۔
جارکش ءَ گوشتگ کہ دگہ یک اُرشے ءَ براس ءِ سرمچاراں بالگتر سھاکی ءَ واٹر سپلائی ءَ برجاھیں پاکستانی لشکر ءِ پانگس نشانگ کرتگ۔ اُرش ءِ آسر ءَ یک دُژمنیں کارمندے مرتگ ءُ یکے ٹپی بوتگ۔
آئی ءَ گوشتگ کہ براس ءِ سرمچاراں ھشت پروری ءِ سھب ءَ آواران ءِ ھند پیراندر کچ ءُ ڈل بیدی ءِ میانجی ءَ زورگریں پاکستانی لشکر ءِ پیادگیں کارمندانی سر ءَ اُرش کرتگ۔ اُرش ءِ آسر ءَ یک کارمندے مرتگ ءُ دو ٹپی بوتگ۔
جارکش ءَ گوشتگ کہ براس ءِ سرمچاراں ھشت پروری ءَ شپ ءِ نو ءَ ھزدار ءِ ھند گریشگ گونی ءَ گچینکاری جاہ گوں دستی بمب ءَ نشانگ کرتگ۔ اُرش ءِ وھد ءَ زورگریں پاکستانی لشکر ءِ کارمند ھم ساڑی بوتگ اَنت۔
آئی ءَ گوشتگ کہ براس ءِ سرمچاراں دگہ یک اُرشے ءَ ھزدار ءِ ھند نال گریشگ جاورجی ءَ گچینکاری جاہ گوں دستی بمب ءُ وتکاریں سلاھاں نشانگ کرتگ۔
جارکش ءَ گوشتگ کہ براس ءِ سرمچاراں ھشت پروری ءَ جاؤ الی مھمد گوٹ ءَ گچینکاری جاہ ءَ شپ ءِ ھشت ءِ نزیک ءَ اُرش کرتگ۔ جاؤ ءِ جتائیں ھنداں سرمچاراں داں شپ ءِ نو ءَ دگ بند کرتگ اَنت۔
آئی ءَ گوشتگ کہ براس ءِ سرمچاراں ھشت پروری ءَ بیگاہ ءِ شش ءَ کیچ ءِ ھند تجابان میران زین کور ءَ برجاھیں پاکستانی لشکر ءِ پانگس ءَ اُرش کرتگ۔ اُرش ءِ آسر ءَ لشکر ءَ جانی ءُ مالی تاوان بوتگ۔ سرمچاراں ھشت پروری ءِ شپ ءَ گورکوپ ءَ پاکستانی لشکر ءِ پانگس ءِ سر ءَ گوں وتکاریں سلاھاں اُرش کرتگ، اُرش ءَ یک کارمندے مرتگ ءُ یکے ٹپی بوتگ۔
جارکش ءَ گوشتگ کہ براس ءِ سرمچاراں ھشت پروری ءِ سھب ءَ تمپ پل آباد ءَ یک گچینکاری جاھے گوں ٹائمر بمب ءَ نشانگ کرتگ۔ تراک ءِ آسر ءَ گچینکاری جاہ ءَ سکا تاوان بوتگ۔
آئی گوشتگ کہ براس ءِ سرمچاراں ھپت پروری ءِ بیگاہ ءَ کلاھو بازار ءَ گوں ھندی مردماں وتگڑیں گچینکاری ءَ ووٹ نہ دیگ ءِ بارو ءَ گپ ءُ تران کرتگ ءُ سرمچاراں شپ ءَ گچینکاری جاہ نشانگ کرتگ۔
جارکش ءَ گوشتگ کہ براس ءِ سرمچاراں ھشت پروری ءَ ھوت آباد ءَ وتگڑیں گچینکاری جاہ ءَ اُرش کرتگ ءُ ووٹ ءِ کاگد ءُ پیتی مانداشتگ اَنت۔ پہ بلوچ بوگ ءِ بنیاد ءَ پولیس ءُ گچینکاری ءِ ایجنٹ کڈن کرتگ ءُ یل داتگ اَنت۔ سرمچاراں گچینکاری ءِ گاڑی ءُ پرپٹانی سر ءَ تیرگواری کرتگ ءُ ٹائر تراکینتگ اَنت۔
آئی ءَ گوشتگ کہ ھمے میان ءَ پاکستانی لشکر ءَ گوں یک بکتربند گاڑی یے ءَ سرمچارانی انگر کنگ ءِ جھد کرتگ، سرمچاراں دُژمنیں لشکر گوں نوک ءُ مزنیں سلاھاں نشانگ کرتگ۔ اُرش ءَ پاکستانی لشکر ءَ جانی ءُ مالی تاوان بوتگ۔ براس ءِ سرمچاراں ھشت پروری ءِ روچ ءَ ناسر آباد گچینکاری جاہ گوں بمب ءَ نشانگ کرتگ۔
جارکش ءَ گوشتگ کہ براس ءِ سرمچاراں ھشت پروری ءِ روچ ءَ ھیر آباد ءَ برجاھیں وتگڑیں گچینکاری جاہ ءَ اُرش کرتگ ءُ اود ءَ پولیس ءُ ایجنٹانی سر ءَ تیرگواری کرتگ ءُ تاچینتگ اَنت، ووٹ ءِ کاگد مانداشتگ اَنت۔
آئی ءَ گوشتگ کہ براس ءِ سرمچاراں ھپت پروری ءِ شپ ءَ یک گچینکاری جاھے ءَ گوں راکٹ ءُ وتکاریں سلاھاں اُرش کرتگ۔ براس ءِ سرمچاراں مند ءِ ھند بلوچ آباد ءَ جنکانی وانگجاہ ءَ برجاھیں گچینکاری جاہ ءَ اُرش کرتگ ءُ لیویز کارمند ءُ گچینکاری ءِ ایجنٹ تاچینتگ اَنت ءُ گچینکاری بند کرتگ۔ سرمچاراں لیویز کارمند ءُ ایجنٹان ءَ بلوچ بوگ ءِ بنیاد ءَ یل داتگ۔
جارکش ءَ گوشتگ کہ براس ءِ سرمچاراں ھشت پروری ءَ سھب ءِ دہ ءَ مشکے بنڈکی ءَ برجاھیں پاکستانی لشکر ءِ پانگس ءُ گچینکاری جاہ گوں وتکار ءُ مزنیں سلاھاں نشانگ کرتگ۔
آئی گوشتگ کہ دگہ یک اُرشے ءَ براس ءِ سرمچاراں ھشت پروری ءِ بیگاہ ءِ سے ءَ مشکے تنک ءَ برجاھیں پانگس ءُ گچینکاری جاہ گوں وتکار ءُ مزنیں سلاھاں نشانگ کرتگ اَنت۔
جارکش ءَ گوشتگ کہ براس ءِ سرمچاراں ھپت پروری ءَ تربت ءِ تنزگ ءُ پٹان کور ءَ دو گچینکاری کارگساں گوں وتکار ءُ مزنیں سلاھاں اُرش کرتگ۔ اُرش ءِ میان ءَ گچینکاری کارگس ءَ لشکری کارمند ھم ساڑی بوتگ۔
براس ءِ جارکش بلوچ ھان ءَ اُرشانی زمہ واری منّ اتگ ءُ گوشتگ کہ وتگڑیں گچینکاری ءَ زورگریں پاکستانی لشکر ءُ چیریں ادارھانی پرمان ءِ رد ءَ اے گچینکاری ءَ ھواریں مردم مئے نشانگ ءَ اَنت۔
