کیچ : ھشت پروری ءَ زورگریں پاکستان ءِ کلپیں گچینکاریانی روچ ءَ بازیں میتگانی گچینکاری جاھاں ووٹ نہ بوتگ۔
اھوالکار ءِ رد ءَ ردیگ، بلوچ آباد، لبنان، ھوزی، گواک، گوبرد، سورو، بلو، جت جو براھوئی ریک ، ملات چات، تمپ، اپسی کھن، گومازی، ملانٹ، پل آباد، کوھاڑ، دازن، کونشکلات، ملک آباد، نزر آباد، آسیاآباد، کلاھو، رودبن، بالیچہ، تگران، سرنکن، میرآباد، ھوت آباد، ھیرآباد، ناسر آباد، ھیرونک ءُ زامران ءِ ھم بازیں جاھاں گچینکاری نہ بوتگ۔
بنشون ءِ رد ءَ چہ اے جاھاں باز کم جاہ ءَ سرکاری مردم پہ گچینکاریاں مچ بیتگ اَنت بلے چہ سرمچارانی ارشاں پد آ گچینکاری جاھانی بند کنگ ءَ لاچار بیتگ اَنت۔
زامران،گواک،کونشکلات ءُ ھیرونک ءَ پاکستان ءِ کلپیں گچینکاریانی بگیری ءَ زھرشانی ھم بوتگ۔
