ٹیکساس: امریکی ریاست ٹیکساس ءِ شھر الین ءَ یک نھادجاھے ءَ تیرگواری ءَ ھشت مردم مرتگ ءُ ھپت ٹپی بیتگ۔ جھانی رسانکدر ءِ رد ءَ امریکی شھر الین ءِ نھاد جاھے ءَ سْیاہ پوشاکیں سلاہ بندیں مردمے ءَ ھما وھد ءَ تیرگواری کرتگ کہ سدانی کچ ءَ مردم سامان زورگ ءَ بیتگ اَنت۔
چہ تیرگواری ءِ آسر ءَ شش مردم جاھی مرتگ ءُ دو مردم ءَ نادراھجاہ ءَ درمان کنگ ءِ وھد ءَ ٹپانی درد نہ سگ اِتگ ءُ مرتگ اَنت۔ ھپت مردم ٹپی اِنت کہ چہ آیاں سے مردم ءِ جاور ناگیگ اَنت۔
انچش گمان کنگ بیگ ءَ اِنت کہ مرتگیں مردمانی کچ گیشتر بیت۔ جھانی رسانکدر ءِ رد ءَ اُرش ءَ پد پولیس ءَ اُرشکار انگر کرتگ ءُ پہ دزگیر کنگ ءَ توار جتگ آئی ءَ گوں تیزیں کارچے ءَ پولیس کارمندانی سر ءَ اُرش کنگ ءِ جھد کرتگ۔
چہ پولیس کارمندے ءِ تیرگواری ءَ اُرشکار مرتگ۔ انگت ءَ اُرش ءِ سوب زانگ بیگ ءَ نہ اِنت۔
بنشون:جھانی رسانکدر |اکس:دامگ
