لیبْیا: باھوٹیانی دو لانچ لیبْیا ءِ نزیک ءَ بڈ اِتگ پنجاہ ءُ ھپت مردم بیران بیتگ۔ جھانی رسانکدر ءِ رد ءَ لیبْیا ءِ کوسٹ گارڈ ءِ گوشگ اِنت کہ دوئیں لانچانی بڈگ ءَ پنجاہ ءُ ھپت مردم بیران بیتگ۔
چہ آیاں زھگے ءَ ھوار یازدہ مردمانی جون دست کپتگ۔ لیبْیا سرکار ءِ گوشگ اِنت کہ چہ بڈگ اِتگیں لانچانی مساپراں چار مردم سلامت ءَ در آھگ ءَ سوبین بیتگ ءُ آیانی گوشگ اِنت کہ یک لانچے ءَ ھشتاد مردم سوار بیتگ۔ اے مردم درکانودی چہ بھرہ روم ءَ یورپ ءِ نیمگ ءَ روگ ءَ بیتگ اَنت۔
بنشون: جھانی رسانکدر |اکس: دامگ
