پشتون تھپز موومنٹ ءِ سروک منزور پشتین ءَ وتی شنگ کرتگیں درشانے ءَ گوشتگ کہ پہ زوریں بندیگ کنگ ءِ آجوئی ءَ توار چست کنوک ءُ جھد کنوکیں درسیں مردمانی منتواراں۔
آئی ءَ گوشتگ کہ منی زندانی کنگ ءُ اے میان ءَ سکا گوں درمردمی رویشتاں پیش بوگ ءَ اے راستی انگت ءَ مٹ نہ بوتگ کہ اے سلکاری، ناشرکاری ءُ زوراکیانی پشت ءَ لشکر ءِ جرنیلانی زورگپتی ءُ جرنیلانی زورگری شوندات ءُ مردم دُژمنیں کارپد اَنت۔
منزور پشتین ءَ گوشتگ دانکہ ساہ روت ءُ کیت زوراکیانی بگیری ءَ گَھگیری ءَ برجاہ داراں۔ ما پہ مدامی نادرس ءُ نزور نہ بیں، یک روچے الّم مئے دست داں شمئے زنچک ءَ سربیت۔
یات بہ بہ اَت کہ منزور پشتین پاری دسمبر ءَ بلوچستان ءِ شھر چمن ءَ پولیس ءَ دزگیر کرتگ۔
