بلوچ آجوئی لوٹوکیں سروک اَبدالنبی بنگلزھی ءَ وتی شنگ کرتگیں درشانے ءَ ایردستیں راجانی توار منزور پشتین ءِ چہ اٹک زندان ءَ آجوئی پہ ایردستیں راجاں نیکیں پالے لیک اِتگ۔
آئی ءَ وتی درشان ءَ گوشتگ کہ ریاست پاکستان ایردستانی توار ءَ زنداناں آزار دیگ ءَ بے توار کرت نہ کنت۔
آئی ءَ دیمتر ءَ گوشتگ کہ من گوں وشیں دل ءَ پشتون راج ءَ آیانی رھشون ءِ یل کنگ ءَ مراد بات گوشاں ءُ ھمے اوست ءَ داراں کہ چہ زندان ءَ آجو بوگ ءَ پد گیشتر ترند گوں توانمندیں توار ءَ ایردستانی زرمبشت برجاہ بیت دانکہ چہ جھان ءِ درساں مستریں زندان پاکستان ءَ ایردست ءُ نزوریں راجاں آجوئی بہ رس ایت۔
