اٹلی ءِ دریا ءَ باھوٹیانی دگہ یک لانچے ءِ بڈگ ءِ سوب ءَ سی مردم بیگواہ اِنت ءُ چہ آیاں ھبدہ مردم سلامت ءَ کشگ بیتگ۔ جھانی رسانکدر ءِ رد ءَ اے لانچ موسم ءِ ھرابی ءَ اَبید چہ لیبْیا ءَ در کپتگ ءُ اٹلی ءَ نیمگ ءَ پیداک بیتگ۔ پہ بیگواھیں مردمانی درگیجگ ءَ کمکی کار برجاہ اِنت۔
ایشانی تہ ءَ یورپی یونین ءِ بارڈر ایجنسی پرانٹکس ءِ کمک گوں اِنت۔ اے بڈگ اِتگیں لانچ ءَ کُل 47 مردم سوار بیتگ۔ زْرلشکر ءِ کارمَنْدے ءِ گوشگ اِنت کہ وئیل ءِ وھد ءَ دگہ مال کشیں گرابے روگ ءَ بیتگ آئی ءَ پہ مردمانی کشگ ءَ باز جھد کرتگ بلے چہ موسم ءِ ھرابی ءَ آ سوبین نہ بیتگ۔ چہ ایشی ءَ پد آئی ءَ چہ اٹلی ءَ کمک کنگ ءِ لوٹ کرتگ۔
بنشون: جھانی رسانکدر | اکس: دامگ
