کاٹسینا: نائیجریا ءِ ریاست کاٹسینا ءَ پولیس ءُ سلاہ بندانی میان ءَ میڑے ءَ پنجاہ مردم مرتگ۔
جھانی رسانکدر ءِ رد ءَ کاٹسینا پولیس ءِ جارکش ءَ گوشتگ کہ سلاہ بندیں ٹولی یے کہ آ بینڈٹنس ءِ نام ءَ زانگ بیتگ، آیاں کاٹسینا ءِ باکوری ءَ یک میتگے ءَ بیڑ برتگ ءُ اُرش ءِ آسر ءَ باز مردم مرتگ۔
جارکش ءَ گوشتگ کہ پہ سلاہ بندانی بگیری ءَ لشکری کارمَنْد ھواری ءَ لشکری کشکی کنگ ءَ اَنت۔ دو لشکری بنشونانی نیمگ ءَ ھمے گوشگ بیتگ کہ مرتگیں مردمانی کچ پنجاہ اِنت۔
آیانی جون چہ درچکانی تہ ءَ دست کپتگ اَنت۔ میڑ ءَ ٹپی بیتگیں مردم پہ درمان کنگ ءَ کنکرا نادراھجاہ ءَ برگ بیتگ اَنت۔
بنشون: جھان رسانکدر | اکس: دامگ
