سینیگال: اپریکی ڈیھ سینیگال ءَ دو مساپر بسانی وت ماں وت ءَ ڈیک ورگ ءَ 38 مردم مرتگ ءُ 87 مردم زدگ بیتگ۔
جھانی رسانکدر ءِ رد ءَ سینیگال ءِ شھر کاپرین ءَ یکشمبے ءِ سھب ءَ دو مساپر بساں وت ماں وت ڈیک وارتگ۔
اے دوئیں بساں 125 مردم سوار بیتگ 38 مردم جاھی مرتگ ءُ 87 مردم زدگ بیتگ۔
مرتگیں مردمانی جون ءُ زدگ بیتگیں مردم پہ درمان کنگ ءَ کاپرین ءِ نادراھجاہ ءَ برگ بیتگ اَنت۔ چہ زدگ بیتگیں مردماں باز مردم ءِ جاور ناگیگ اَنت۔
بنشون: جھانی رسانکدر | اکس: دامگ
