سومالیہ: سومالیہ ءِ شھر مھاس ءَ دو جتائیں جاھاں کار بمب اُرشاں یک کھولے ءِ ھشت مردمانی ھواری ءَ 35 مردم مرتگ ءُ 40 ءَ گیش ٹپی بیتگ۔
جھانی رسانکدر ءِ رد ءَ مھاس پولیس ءِ گوشگ اِنت کہ اے بمب تراکاں مرتگیں مردم گیشتر لّس شھری اَنت۔ مرتگیں مردمانی تہ ءَ زھگ ءُ جنین ھم ھوار اِنت۔
پولیس سروگان ءِ رد ءَ یک کار بمب تراکے آئی ءِ گِس ءِ دیم ءَ پہ آئی ءِ جند ءِ نشانگ کنگ ءَ بیتگ ءُ دومی بمب تراک اسمبلی ءِ کارکنے ءِ گِس ءِ دیم ءَ بیتگ۔ مھاس پولیس ءِ گوشگ اِنت کہ سومالیہ ءِ بنجاھی شھر مھاس ءَ بیتگیں بمب تراک گوں اکائدہ ءَ بندوکیں ناشرکاریں گَل الشباب ءِ نیمگ ءَ کنگ بیتگ۔
بنشون: جھانی رسانکدر | اکس: دامگ
