دمشک: شام ءِ بنجاھی شھر دمشک ءِ بالی پَٹ ءَ اسرائیلی لشکر ءِ بُرزی اُرشاں دو شامی لشکر مرتگ۔
جھانی رسانکدر ءِ رد ءَ مرچی دو شمبے ءِ سھب ءَ اسرائیلی لشکر ءَ دمشک ءِ بالی پَٹ ءَ میزائل اُرش کرتگ، اُرش ءِ آسر ءَ دو لشکری کارمند مرتگ ءُ دو ٹپی بیتگ۔
شامی لشکر ءَ اُرش ءِ بارو ءَ گوشتگ کہ دمشک ءِ بالی پَٹ ءَ ھپت ماہ ءِ تہ ءَ اے دومی اُرش اِنت۔ چہ اُرشانی آسر ءَ بالی پَٹ ءِ نزیکیں ھنداں تاوان بیتگ۔
بنشون: جھانی رسانکدر | اکس: دامگ
