استنبول: 25 نومبر ءَ ترکی ءِ شھر استنبول ءَ جنینانی بگیری ءَ آزاردھی ءِ گِر ءُ دار کنگ ءِ میان استمانی روچ ءَ زھرشانی ءَ روانک کشگ بیتگ۔
رند ءَ پولیس درزنانی کَچ ءَ زھرشانی کنوکیں مردم دزگیر کرتگ اَنت۔ جھانی رسانکدر ءِ رد ءَ استنبول ءِ تکسیم اسکوائر ءَ جنینانی آزاردھی ءِ بگیری ءَ زھرشانی کنگ بیتگ۔ ھمک سال ءَ سرجمیں جھان ءَ جنینانی آزاردھی ءِ بگیری ءَ 25 نومبر ءَ زھرشانی روانک کشگ بیت۔ استنبول ءَ زھرشانی ءِ وھد ءَ پولیس ءَ وتی زور چکاسگ اِتگ ءُ زھرشانی ءِ دارگ ءِ باز جھد کرتگ دمک ءُ در بند کرتگ اَنت۔
زھرشانی کنوکیں جنیناں بینر گوں بیتگ ءُ آیانی سر ءَ ھمے اوگام نبشتگ کہ اڑاند پہ کشندھاں بیت پہ جنیناں نہ بیت۔
جنینانی آزاردھی ءِ بگیری ءَ روانک ءَ 25 نومبر ءِ راھبند ءِ رد ءَ کشگ بیتگیں روانک ءَ سدانی کَچ ءَ جنین زھرشانی ءَ ھوار بیتگ اَنت۔
بنشون: جھانی رسانکدر | اکس: دامگ
