بلوچ راجی آجوئی سنگر (براس) ءِ جارکش بلوچ ھان ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ راجی آجوئی سنگر (براس) ءِ سرمچاراں گْوادر، بلیدہ، پنجگور، ھزدار، ھب، ھاران ءُ نوشکے ءَ زورگریں پاکستانی لشکر ءُ وتگڑیں گچینکاری کارگسانی سر ءَ جتائیں وھد ءَ پانزہ اُرش کرتگ۔
![](https://zrumbesh.com/wp-content/uploads/2024/02/1000220485.jpg)
آئی ءَ گوشتگ کہ براس ءِ سرمچاراں 4 پروری ءِ دو ءِ نزیک ءَ گْوادر ءِ ھند نلینٹ ءَ نلانی ءَ زورگریں پاکستانی لشکر ءِ یک گاڑی یے گوں چیر کرتگیں شورھاں نشانگ کرتگ۔ تراک ءِ آسر ءَ پاکستانی لشکر ءِ باز کارمند مرتگ ءُ ٹپی بوتگ۔ زورگریں لشکر ءَ چو مدامی وڑ ءَ وتی تاوانانی چیر دیگ ءِ جھد کرتگ۔
جارکش ءَ گوشتگ کہ دگہ یک اُرشے ءَ براس ءِ سرمچاراں 2 پروری ءَ بلیدہ ءِ ھند گلی ءَ زورگریں پاکستانی لشکر ءِ یک پانگسے ءَ دو نیمگاں اُرش کرتگ۔ سرمچاراں دُژمنیں لشکر ءِ سر ءَ راکٹ ءُ گرنیڈ لانچر ءِ باز گولا آس داتگ ءُ گوں وتکاریں سلاھاں نشانگ کرتگ۔ اُرش ءَ دُژمنیں لشکر ءَ جانی ءُ مالی تاوان بوتگ۔
آئی ءَ گوشتگ کہ دوشی سرمچاراں آواران ءِ ھند پیراندر ڈل بیدی ءُ ھسن گوٹ ءَ نیشنل پارٹی ءِ سروک یاکوب کمبرانی ءِ گس ءَ دستی بمب اُرش کرتگ۔ ھمے وڑ ءَ یازدہ ءِ نزیک ءَ گپور ءِ گس گوں دستی بمب ءَ نشانگ کرتگ۔
جارکش ءَ گوشتگ کہ اے مردم پیسر ءَ کڈن کنگ بوتگ اَنت کہ وتگڑیں گچینکاری ءِ چست ءُ ایراں گستا بدار اَنت۔ اے اُرش پہ کڈن کنگ ءَ بوتگ اَنت جانی تاوان ءِ رکینگ ءِ جھد کرتگ۔
آئی گوشتگ کہ سرمچاراں پنچ پروری ءَ ھیرونک ءَ زورگریں پاکستانی لشکر ءِ پانگس ءَ گرنیڈ لانچر ءِ باز گولا آس داتگ دُژمن ءَ جانی ءُ مالی تاوان بوتگ۔
جارکش ءَ گوشتگ کہ براس ءِ سرمچاراں دو پروری ءَ پنجگور شھر ءَ وتگڑیں پاکستان ءِ گچینکاری امیدوار ءُ پیشیگیں وزیر رھمت سالھ ءِگس، 4 پروری ءَ گچینکاری ءِ امیدوار ھاجی اسلام ءِ گس، پنچ پروری ءَ ھدابادن ءَ گچینکاری ءِ امیدوار ءُ پیشیگیں پاکستان ءِ وزیر اسد ءُ تسپ ءَ ھاجی اتا اللہ ءِ گچینکاری کارگس ءَ گرنیڈ لانچر ءِ باز گولا آس داتگ ءُ نشانگ کرتگ۔
آئی گوشتگ کہ براس ءِ سرمچاراں پنچ پروری ءَ ھب شھر ءَ پیپلز پارٹی ءِ گچینکاری کارگس گوں دستی بمب ءَ نشانگ کرتگ۔
جارکش ءَ گوشتگ کہ سرمچاراں پنچ پروری ءَ دگہ دو کار کرتگ ھاران شھر ءَ واپڈا کالونی ءَ واپڈا کارگس ءَ گچینکاری جاہ ءُ جنکانی وانگجاہ ءِ گچینکاری جاہ گوں دستی بمباں نشانگ کرتگ اَنت۔
آئی گوشتگ کہ سرمچاراں پنچ پروری ءِ شپ ءَ نوشکے شھر ءَ گچینکاری کارگس گوں تراکناکیں شورھاں نشانگ کرتگ، تراک ءِ آسر ءَ کارگس تاوان بوتگ۔
جارکش ءَ گوشتگ کہ براس ءِ سرمچاراں پنچ پروری ءَ گریشگ سریج ءَ گچینکاری کارگس گوں دستی بمب ءَ نشانگ کرتگ۔ دگہ کارے ءَ پنچ پروری ءِ شپ ءَ گریشگ سریج ءَ پاکستانی لشکر ءِ پانگس گوں سلاھاں نشانگ کرتگ، چہ ایشی ءَ دُژمنیں لشکر ءَ جانی ءُ مالی تاوان بوتگ۔
براس ءِ جارکش بلوچ ھان ءَ گوشتگ کہ وتگڑیں گچینکاری چست ءُ ایرانی سر ءَ مئے اُرش برجاہ بنت۔ ما گوں مردماں دزبندی کن ایں کہ آ گچینکاری کارگس ءُ چہ امیداواراں وت ءَ گستا بدار اَنت۔ براس ءِ سرمچار پہ جانی تاوانانی کم کنگ ءَ پھریزگ ءِ پارست ءَ کار کنگ ءَ اَنت، نوں ما تچک کن ایں کہ مئے اُرش ترند کنگ بنت۔