نیدر لینڈ: 13 نومبر ءَ بلوچ شھیدانی روچ ءِ درگت ءَ بی این ایم ءِ بنجاھی مراگشانی رد ءَ ماں نیدر لینڈ ءَ مراگشے برجم دارگ بیتگ۔
اے مراگش ءِ تہ ءَ بی این ایم ءِ سرکماش ڈاکٹرنسیم، ندکار ڈاکٹر ھنیپ شریپ، بی این ایم ءِ دری کارانی کارگشاد ھمل ھیدر، بی این ایم نیدرلینڈ ءِ کماش ابدلواھد، مردمی اگبالانی پانک لینا بورچرڈ ، بی این ایم ءِ رسانکدر ءُ آئی ٹی تک ءِ بنجاھی پتر ءِ باسک کیا، بی این ایم ءِ ہیومین رائٹس ڈیپارٹمنٹ پانک ءِ رسانکدری رھوتدار جمال ءُ بکشی ءَ تْران کرتگ۔
مراگش ءِ تہ ءَ گپ جنان ڈاکٹر نسیم ءَ گْوشتگ کہ پاکستان بلوچ جھد ءِ دیم ءِ دارگ ءَ ھما زوراکیاں کنگ ءَ اِنت کہ انیگیں زمانگ ءَ کس آیاں روا نہ دنت۔
پاکستانی لشکر ءِ نشانگ سلاہ بندیں مردم نہ اَنت بلکیں آ مچ بلوچاں چکچین کنگ ءَ اِنت۔
بنشون: درشان | اکس: بی این ایم
