بلوچ راجی زرمبشت ( بی این ایم ) ءِ پیشیگیں سرکماش ھلیل ءَ ماں چاگردی رسانکدر ایکس ءَ پاکستان ءِ گچینکاری ءِ پژدر ءَ نبشتگ کہ وتگڑیں پاکستان ءِ گچینکاری پہ لشکری سرکارانی نوکیں دروشمے ءِ دیم ءَ آرگ ءُ بلوچستان ءَ لشکر ءِ سروکی ءِ برجاہ دارگ ءَ ابید دگہ ھچے نہ اِنت۔
آئی ءَ گوشتگ کہ اے بے سریں چکاس مردمگری ءِ کمشرپی اِنت ءُ پہ بلوچ ءَ کوش ءِ زھرے۔ بلوچ راج وتی کشندھانی گچین کنگ ءِ میارباری ءَ ھچ وڑ ءَ شریدار نہ بیت۔
یات بہ بہ اِت کہ اے درگت ءَ پہ بلوچستان ءِ آجوئی ءَ جھد کنوکیں پارٹی بلوچ راجی زرمبشت ( بی این ایم ) ءَ چہ پاکستان ءِ گچینکاری ءَ بھر نہ زورگ ءِ بارو ءَ رسانکدر ءِ کارمرز کنگ ءِ سر ءَ گوں مردماں لوٹ کرتگ کہ آ #NoTOElectionsInBalochistan ھیشٹیگ ءَ کارمرز بہ کن اَنت ءُ پاکستان ءِ گچینکاری ءَ وت ءَ دور بدار اَنت۔
