شال: یک شمبے ءِ روچ ءَ زورگریں پاکستانی لشکر ءَ سے مردم آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں مردمانی نام میر زمان ء شاہ زمان ساتکزھی، اھمد نواز ء ھدائے رھیم سمالانی ءُ سنااللہ ء ھدابکش بنگلزھی اِنت۔ اے مردم چہ مچ ءَ شال ءَ روگ ءَ بوتگ اَنت کہ پاکستانی لشکر ءَ ڈیگاری درواھی ءَ آوار جتگ ءُ گوں وت برتگ اَنت۔
اے مردمانی زوریں بیگواھی ءِ گپ بیگواھیں بلوچانی توار ( وی بی ایم پی ) ءَ راست کرتگ ءُ ماں چاگردی رسانکدر ءَ آیانی اکس شنگ کرتگ اَنت۔
